వైసీపీ కార్యకర్తల అసభ్యకర పోస్టింగ్ లపై సీఐడి ఏడీజీకి అశోక్ బాబు ఫిర్యాదు

220

వైసీపీ కార్యకర్తల అసభ్యకర పోస్టింగ్ లపై సీఐడి ఏ డీ.జీ కి అశోక్ బాబు ఫిర్యాదు చేసిన తెదేపా శాసనమండలి సభ్యులు పరుచూరి అశోక్ బాబు. ఫిర్యాదు వివరాలివీ..
తెలుగుదేశం పార్టీ (టిడిపి) నాయకులపై మరియు కేడర్‌పై అధికార వైయస్‌ఆర్‌సిపి మద్దతుదారుల అసభ్యకర, విద్వేషపూరిత పోస్టింగ్‌ల పై అనేక సార్లు ఫిర్యాదు చేశాం. కానీ, ఫిర్యాదులపై ఎలాంటి చర్యలు తీసుకోలేదు. గతంలో గుంటూరు అరుండల్‌పేట పోలీస్ స్టేషన్ లో సైతం అనేక ఫిర్యాదులు చేశాం. ఐపిసి సెక్షన్ 500 తో అధికారులు కేసులు నమోదు చేశారు. కానీ, నిందితులను అరెస్టు చేయడానికి ఎటువంటి చర్యలు తీసుకోలేదు.

టిడిపి మద్దతుదారులపై వైఎస్ఆర్‌సిపి దాఖలు చేసిన తప్పుడు ఫిర్యాదుల పట్ల మాత్రం వేగంగా స్పందిస్తున్నారు. టిడిపి మద్దతుదారుల పోస్టింగ్ లు ప్రభుత్వ ప్రజా వ్యతిరేక విధానాలకు వ్యతిరేకంగా తమ అసమ్మతిని వ్యక్తం చేయడానికి మంచి ఉద్దేశ్యంతో చేయబడ్డాయి. కానీ, వైయస్‌ఆర్‌సిపి పోస్టింగ్ లు అసభ్యకరంగా, సమాజంలో విద్వేషం, శత్రుత్వాన్ని రెచ్చగొట్టేలా ఉన్నాయి.
టిడిపి మద్దతుదారులను కించపరచడం, వారి పరువుకు భంగం కలిగించడం వంటి దుర్మార్గమైన ఉద్దేశాలతో వైఎస్ఆర్‌సిపి కార్యకర్తల పోస్టింగులు ఉన్నాయి. ఇందుకోసం వైఎస్ఆర్‌సిపి మద్దతుదారులు యూ ట్యూబ్ ఛానెల్‌లు, ఫేస్‌బుక్ పేజీలు/ఖాతాలు, ట్విట్టర్ ఖాతాలు ఇతర సోషల్ మీడియా ప్లాట్‌ఫారమ్‌లు ఉపయోగిస్తున్నారు.

ప్రజల మధ్య శత్రుత్వం, ద్వేషం ప్రోత్సహించే ఉద్దేశ్యంతో ఉద్దేశపూర్వకంగా ప్రకటనలు, పుకార్లు రేపుతున్నారు. వైఎస్ఆర్‌సిపి సోషల్ మీడియా ఆపరేటర్లు టీడీపీ సీనియర్ నాయకుల ఫొటోలను మార్ఫింగ్ చేస్తూ, వారి వ్యక్తిత్వాలను కించపరచడం, అసభ్యకరంగా వక్రీకరిస్తున్నారు. టిడిపి మద్దతుదారులపై మాత్రమే చర్యలు తీసుకోవడం పోలీసు సిబ్బంది పక్షపాత దోరణిని స్పష్టంగా తెలుస్తుంది.పోలీసుల ఇటువంటి ఏకపక్ష చర్యలు ప్రజాస్వామ్యానికి మంచిది కాదు. కావున, బాధ్యులపై తక్షణ చర్యలు తీసుకోవాలని మరోసారి అభ్యర్థిస్తునాను.