మిడ్‌వెస్ట్ ఎనర్జీతో ఓయూ ఎంవోయూ

385

హైదరాబాద్, ఏప్రిల్ 3 (న్యూస్‌టైమ్): ఉస్మానియా యూనివర్సిటీ ఇంచార్జి ఉపకులపతి అర్వింద్ కుమార్ సమక్షంలో ఓయూ తరపున రిజిస్ట్రార్ గోపాల్ రెడ్డి, మిడ్ వెస్ట్ ఎనర్జీ తరపున సౌమ్య కుక్రెతి అవగాహన ఒప్పందం కుదుర్చుకున్నారు. యూనివర్సిటీ, కంపెనీలు సమాజ అవసరాలకు ఉపయోగపడేలా పరిశోధన, వివిధ రంగాలలో విద్యకు ప్రోత్సాహం అందించడం, వీరు గుర్తించిన సబ్జెక్టులో, అభివృద్ధి చెందుతున్న ఆర్ధిక వ్యవస్థకు అవసరమైన క్రియేటీవ్, ఎనాలిటిక్ విభాగాలకు ఇన్నోవేషన్‌ను జత చేసి ప్రజావసరాలకు ఉపయోగాపడేలా పని చేస్తారు. కొలాబ్రేటివ్ రీసెర్చి, అకాడిమిక్ కార్యక్రమాల, ప్యాకల్టీ ఎక్స్చేంజ్, విద్యార్ధులకు ఇంటర్న్‌షిప్, విద్యార్థులకు, టీచర్లుకు, స్కాలర్లకు ఉపయోగపడేలా శిక్షణ, స్కిల్ డెవలప్మెంట్, కెపాసిటీ బిల్డింగ్ కార్యక్రమాలు, కోర్సులు ఈ ఎంవోయూలో మిలితమై ఉన్నాయి.

1917లో స్థాపితమైన ఉస్మానియా విశ్వవిద్యాలయం హ్యుమానిటీస్, ఆర్ట్స్, సైన్సెస్, సోషల్ సైన్సెస్, లా, ఇంజనీరింగ్, టెక్నాలజీ, కామర్స్, బిజినెస్ మేనేజ్మెంట్, ఇన్ఫర్మేషన్ టెక్నాలజీ, ఓరియంటల్ లాంగ్వేజెస్ వంటి వివిధ కోర్సులను అందించే బహుళ క్రమశిక్షణా విశ్వవిద్యాలయంగా పేరొందింది. ఎలక్ట్రికల్ ఇంజనీరింగ్ విభాగం 1949లో ప్రారంభమయింది. ప్రస్తుతం విభాగం బి.ఇ. ఎలక్ట్రికల్, ఎలక్ట్రానిక్స్ ఇంజనీరింగ్, ఇన్స్ట్రుమెంటేషన్ కోర్సులను అందిస్తున్నది. 1971లో ప్రవేశపెట్టిన ఇండస్ట్రియల్ డ్రైవ్స్ అండ్ కంట్రోల్ అండ్ పవర్ సిస్టమ్స్, ఎంఈ కోర్సులు కూడా ఈ విభాగం అందిస్తుంది. పార్ట్ టైమ్ పి.హెచ్.డి, ఎలక్ట్రికల్ ఇంజనీరింగ్ ప్రోగ్రామ్ 1972 నుండి అందిస్తోంది. మిడ్వెస్ట్ ఎనర్జీ అనేది దాని మాతృ సంస్థ మిడ్వెస్ట్ గ్రానైట్ ప్రైవేట్ లిమిటెడ్ చేత ప్రోత్సహించిన ఒక స్టార్టప్.

వివిధ దేశాలలో బలమైన ఉనికిని కలిగి ఉన్న 42 ఏళ్ల మైనింగ్ కంపెనీ, మిడ్వెస్ట్ ఎనర్జీ మొబిలిటీ రంగంలో స్వచ్ఛమైన ఇంధన పరిష్కారాలను అందించడంలో నిమగ్నమై ఉంది. స్వచ్ఛమైన ఇంధన ఉత్పత్తి, కొత్త శక్తి చైతన్యం, పర్యావరణ పరిరక్షణకు సంబంధించిన ఇతర రంగాలు ఎదుర్కొంటున్న సమస్యలపై అధ్యయనం చేసి స్వచ్ఛమైన ఇంధన పరిష్కారాలను రూపొందించడానికి, అభివృద్ధి చేయడానికి, ఉత్పత్తి చేయడానికి, అమలు చేయడానికి, కృషి చేస్తున్నది. సాధారణంగా స్వచ్ఛమైన శక్తిలో చైతన్యం, కొత్త ఇంధన ప్రాంతాలలో పరిశోధన, అభివృద్ధిలో పాల్గొనడానికి మిద్వెస్ట్ ఎనర్జీ ఆసక్తి వ్యక్తపరుస్తున్నది.