బయో గ్యాస్‌ ప్లాంట్లను ప్రోత్సహించాలి: గవర్నర్‌

257

హైదరాబాద్, ఫిబ్రవరి 2 (న్యూస్‌టైమ్): బోయిన్‌పల్లి వ్యవసాయ మార్కెట్‌ యార్డులో విద్యుత్‌, బయోగ్యాస్‌ ప్లాంట్ల పనితీరును తెలంగాణ రాష్ట్ర గవర్నర్‌ తమిళిసై సౌందరరాజన్‌ పరిశీలించారు. ‘మన్‌కీ బాత్‌’లో భాగంగా బోయిన్‌పల్లి మార్కెట్‌ గురించి ప్రధానమంత్రి మోడీ ప్రస్తావించిన నేపథ్యంలో గవర్నర్‌ తమిళిసై మంగళవారం మార్కెట్‌ను సందర్శించారు. బోయిన్‌పల్లి మార్కెట్‌ తరహాలో ఇళ్లు, కార్యాలయాల్లో కూడా బయో గ్యాస్‌ ప్లాంట్లను ఏర్పాటు చేసుకోవాలని గవర్నర్‌ తమిళిసై సౌందరరాజన్‌ ఉద్బోధించారు. కూరగాయల వ్యర్థాలతో విద్యుత్‌, బయోగ్యాస్‌ ఎరువు తయారీ బాగుందని గవర్నర్‌ కొనియాడారు.

కూరగాయల వ్యర్థాలను ఉపయోగించి దేశంలో మొట్టమొదటి పునరుత్పాదక విద్యుదుత్పత్తి ప్లాంట్ ఏర్పాటు చేసిన బోయిన్ పల్లి వ్యవసాయ మార్కెట్‌ను గవర్నర్ డాక్టర్ తమిళిసై సౌందరరాజన్ సందర్శించారు. వినూత్న ఆలోచనకు సిఎస్ఐఆర్-ఐఐసీటీ శాస్త్రవేత్తలను గవర్నర్ అభినందించిన విషయం తెలిసిందే. ఈ ఆలోచనను ఒక వాస్తవంలోకి అనువదించడానికి వ్యవసాయ, మార్కెటింగ్ అధికారులు చొరవను గవర్నర్ ప్రశంసించింది, తద్వారా ఇతరులు అనుసరించడానికి ఒక ఉదాహరణగా నిలుస్తుందన్నారు. రాష్ట్రం, దేశవ్యాప్తంగా ఉన్న ఇతర వ్యవసాయ మార్కెట్లకు ఈ ప్లాంట్ నిజమైన రోల్ మోడల్‌గా నిలుస్తుందన్నారు.

మార్కెట్‌లో ఉత్పత్తి అయ్యే కూరగాయల వ్యర్థాలను సమర్థవంతంగా డిస్పోజల్ చేయడానికి, ఉపయోగించడానికి ప్రతిరూపంగా బోయిన్‌పల్లి మార్కెట్‌ను పేర్కొనవచ్చు. స్వదేశీ సాంకేతిక పరిజ్ఞానాన్ని ఉపయోగించి అభివృద్ధి చేసిన ఈ ప్లాంట్‌కు సీఎస్ఐఆర్-ఐఐసీటీ ప్రాజెక్టులో భాగంగా భారత ప్రభుత్వం, భారత ప్రభుత్వం నిధులు సమకూర్చింది. టీఎస్ వ్యవసాయ, మార్కెటింగ్ శాఖ కూడా ఈ ప్లాంట్‌కు నిధులు, భూమి కేటాయింపుద్వారా మద్దతునిస్తోంది. బయో గ్యాస్ ప్లాంట్ ద్వారా ఉత్పత్తి అయ్యే కూరగాయల వ్యర్థాలను మార్కెట్ యార్డు క్యాంటీన్‌లో వంటగ్యాస్‌గా ఉపయోగించే ఎల్‌పీజీని పొదుపు చేసేందుకు వినియోగిస్తున్నారు. పునరుత్పాదక శక్తి పర్యావరణ అనుకూలమైనది. దీనిని పెద్ద రీతిలో ప్రోత్సహించాల్సిన అవసరం ఉందని గవర్నర్ హితవుపలికారు.

ఈ పర్యటనలో గవర్నర్ భర్త, ప్రముఖ నెఫ్రాలజిస్టు డాక్టర్ పి.సౌందరరాజన్, గవర్నర్ కార్యదర్శి కె.సురేంద్రమోహన్, వ్యవసాయ శాఖ కార్యదర్శి జనార్దన్‌రెడ్డి, మార్కెట్ యార్డు చైర్మన్‌ శ్రీనివాస్‌, టీఆర్‌ఎస్‌ మల్కాజిగిరి పార్లమెంట్‌ నియోకవర్గ ఇన్‌చార్జి మర్రి రాజశేఖర్‌రెడ్డి, మహేశ్వర్‌రెడ్డి, కార్పొరేటర్‌ లాస్యనందిత, పాండు యాదవ్‌ పాల్గొన్నారు.