శ్రీకాకుళం జిల్లా కాశీబుగ్గ సబ్ ఇన్స్పెక్టర్ శిరీష మానవత్వం

0
95

పోలీసులంటే ప్రజల్లో మరింత గౌరవభావం ఏర్పడేలా గొప్పపని చేశారు  శ్రీకాకుళం జిల్లా కాశీబుగ్గ సబ్ ఇన్స్పెక్టర్ శిరీష పొలాల గట్లను కూడా లేక్కచేయకుండా ఎంతో శ్రమకోర్చి దాదాపు కిలో మీటర్ దూరానికి పైగా అనాథ శవాన్ని మోశారు.  జిల్లాలోని పలాస మండలం అడవి కొత్తూరు వద్ద సోమవారం గుర్తు తెలియని శవం ఉందన్న విషయం కాశీబుగ్గ ఎస్ఐ శిరీషకు అందింది. దీంతో ఎస్ఐ శిరీష సంఘటనా స్థలానికి చేరుకున్నారు. ఆ శవాన్ని తీసుకెళ్లేందుకు సహకరించాలని గ్రామస్తులను కోరారు. అయితే అక్కడ ఎవరూ ముందుకు రాకపోవడంతో మహిళా ఎస్సై తానే ధైర్యంగా చొరవతీసుకున్నారు. శవాన్ని తన భూజాలపై మోసుకుంటూ పొలాల గట్లపై కిలో మీటర్ దూరం నడుచుకుంటూ వెళ్లారు. తర్వాత కోసంగిపురం కూడలి వద్ద గల లలితా చారిటబుల్ ట్రస్టు వారికి దహన సంస్కారాలకు అప్పజెప్పారు.