ర‌త్నాలు:కెంపు విశిష్ట‌త‌

0
188

నవరత్నాల్లో పెద్ద‌న్న వంటిది కెంపు. ఈ ర‌త్నానికి మాణిక్యం, పద్మరాగం.. అనే పేర్లు కూడా ఉన్నాయి. కౌస్తుభమణి, శ్యమంతకమణి, సుర్యకాంతమణి, అగ్నిమణి, తపసమణి, చింతామణి అనే ఇతర శాస్త్ర నామాలు కూడా ఉన్నాయి. ఈ రత్నాన్ని ధరిచడం వల్ల‌ సకల శుభాలు కలిగి ఆయురారోగ్యములు పొంది ఐశ్వర్య వృద్ధి కలుగుతుంది. దీనిని ధరించడం వాళ్ళ కార్యసిద్ధి కలుగుతుంది. అంటే కాక శత్రువుల మీద గెలుపు పొందేందుకు దీనికి ధరిస్తారు. కెంపు రవి గ్రహానికి ప్రీతికరమైనది.

సాధార‌ణంగా కృత్తిక‌, ఉత్తర, ఉత్తరాషాఢ, నక్షత్రా జాతకములో… 1 , 10 , 19, 28 తేదీలలో జ‌న్మించిన వారు కెంపును ధరిస్తారు. నవ రత్నాలలో సూర్యున్ని సూచించే రత్నం కెంపు అని, రాశిఫలాల్లో సూర్యునిది సింహ రాశిగా పరిగణించబడుతోంది. ఇక సింహలగ్నంలో, సింహ రాశిలో జన్మంచిన వారు కెంపును ధరించవచ్చునని రత్నశాస్త్రం చెబుతోంది. సూర్యుడు శత్రు స్థానాలలో ఉన్నవారునూ లేదా దుర్భల రాశులలో ఉన్నవారునూ, సూర్యదశ జరుగుతున్నవారు కూడా ఈ కెంపును ధరించవచ్చు.

కెంపులో మొత్తం ఆరు రకాలున్నాయి.
1.   పద్మరాగము:   ఉదయిస్తున్న బాల సూర్యుని వంటి ఎరుపు రంగులో ఉంటుంది.
2.   సౌగందికము:  దానిమ్మ పువ్వు వంటి ఎరుపు రంగులో ఉంటుంది.
3.   కురువిందము:  కోకిల కన్ను వంటి ఎరుపు రంగులో ఉంటుంది.
4.   మాసగంధి :  కాంతి హీనమైన ఎరుపు రంగులో ఉంటుంది.
5.    నీలగంధి :   నలుపు, ఎరుపు కలిసిన రంగులో ఉంటుంది.
6.    లాలుగంధి :   కొంచెం తెలుపుతో, కొంచెం ఎరుపురంగు కలిసి వెలవెలబోయినట్లు ఉంటుంది.

 ఫలితాలు

ఆరోగ్య కారకుడు సూర్యుడు కాబట్టి అనారోగ్యంతో బాధపడుతున్న వారు తప్పనిసరిగా కెంపును ధరించిన‌ట్లయితే శుభ ఫలితాలు క‌లుగుతాయి. ఆరోగ్యవంతులుగాను, ఉద్యోగంలో పదోన్నతి, రాజకీయాల్లో అధికారం, ఉన్నతాధికారుల అభినందనలు, కుటుంబం క్షేమదాయకంగా ఉంటారని రత్నాల శాస్త్రం చెబుతోంది.

కెంపును ధరించినచో.. దంత వ్యాధులు, ముక్కు నుంచి రక్తంకారుట, పక్షవాతం, స్త్రీ బహిష్టు దోషంలు, అపస్మారకం, హిస్టీరియ, చర్మరోగాలు, కీళ్ళవాతం, మోకాళ్ళ నొప్పులు, నిద్రలేమి, మొదలైన అనారోగ్యాలు కలిగినవారు కెంపును ధరించినట్లయితే చాల ఉపశాంతి. అంతేకాకుండా కెంపు ధారణతో కళ్ళకు, గుండెకు సంబంధించిన రోగాల నుంచి నివారణ కలుగుతుంది.

   –  చింతా గోపీ శర్మ సిద్ధాంతి
 లక్ష్మీలలితా వాస్తు జ్యోతిష నిలయం (భువనేశ్వరిపీఠం)
   పెద్దాపురం, సెల్:- 9866193557