ఆదిత్య బిర్లా ఫ్యాషన్‌లో ఫ్లిప్‌కార్టు పెట్టుబడి

131

న్యూఢిల్లీ, జనవరి 22: ఆదిత్య బిర్లా ఫ్యాషన్ అండ్ రిటైల్ లిమిటెడ్ (ఎబిఎఫ్‌ఆర్‌ఎల్)లో ఫ్లిప్‌కార్ట్ ఇన్వెస్ట్‌మెంట్స్ ప్రైవేట్ లిమిటెడ్ (ఎఫ్‌ఐపిఎల్) మైనారిటీ వాటాను కొనుగోలు చేయడానికి కాంపిటీషన్ కమిషన్ ఆఫ్ ఇండియా (సిసిఐ) ఆమోదం తెలిపింది. కొత్తగా విలీనం చేసిన ఎఫ్‌ఐపిఎల్ ఫ్లిప్‌కార్ట్ ప్రైవేట్ లిమిటెడ్ (ఎఫ్‌పీఎల్‌) యాజమాన్యంలో పూర్తిగా ఉంటుంది. ఎఫ్‌పీఎల్‌ వాల్‌మార్ట్‌ గ్రూప్‌కు చెందినది. ఇందులో వాల్‌మార్ట్ ఇంక్. (వాల్‌మార్ట్), దాని అనుబంధ సంస్థలు ఉన్నాయి.

ఉత్పత్తుల హోల్‌సేల్ ట్రేడింగ్, ఇ-కామర్స్ మార్కెట్ సేవలు, డిజిటల్ చెల్లింపుల సేవలు వంటి వివిధ వ్యాపార కార్యకలాపాలను వాల్‌మార్ట్ గ్రూప్ భారతదేశంలో చేపట్టింది. ఎబిఎఫ్ఆర్ఎల్ భారతదేశంలో విలీనం చేసిన పబ్లిక్ లిమిటెడ్ కంపెనీ, ఆదిత్య బిర్లా సమ్మేళనంలో భాగం. ఎబిఎఫ్ఆర్ఎల్ (దాని అనుబంధ సంస్థల సహా) భారతదేశం అంతటా దాని రిటైల్ దుకాణాలు, మల్టీ-బ్రాండ్ అవుట్‌లెట్లు, డిపార్ట్‌మెంటల్ స్టోర్స్, ఆన్‌లైన్ రిటైల్ ప్లాట్‌ఫాంలు, ఇ-కామర్స్ మార్కెట్‌ల ద్వారా బ్రాండెడ్ దుస్తులు, పాదరక్షలు, ఉపకరణాల తయారీ, రిటైల్ వ్యాపారంలో నిమగ్నమై ఉంది. ఎబిఎఫ్‌ఆర్‌ఎల్‌లో పూర్తి డైల్యూటెడ్‌ ప్రాతిపదికన ఈక్విటీ వాటాల ద్వారా ప్రతిపాదిత కలయిక ఎఫ్‌ఐపిఎల్ 7.8% మైనారిటీ వాటాను కలిగి ఉంది.