కరోనా వైరస్ కొత్త లక్షణాలు

0
15

– అప్రమత్తంగా ఉండాలంటున్న వైద్యులు

కరోనా వైరస్ ప్రభావం తగ్గినట్టే తగ్గి మళ్లీ సెకండ్ వేవ్ రూపంలో ప్రపంచాన్ని వణికిస్తోంది. మన దేశంలోనూ కరోనా రెండో దశ ఉంటుందన్న ప్రచారం జరుగుతోంది. అంతేకాకుండా కరోనా వైరస్ తన రూపాన్ని మార్చుకుంటోందని ఇప్పటికే అనేక అధ్యయనాల్లో తేలింది. తాజాగా కరోనా నుంచి పూర్తిగా కోలుకున్నావైరస్ లక్షణాలు లేని అనేక మంది వ్యక్తుల్లో మంటగా అనిపించడంలాంటి సమస్యలు ఉన్నాయని బార్సిలోనా యూనివర్శిటీ పరిశోధకులు జరిపిన సర్వేలో వెల్లడైంది.

కరోనా లక్షణాలు ఎలా ఉంటాయనే దానిపై ఇప్పటికీ పరిశోధనలు జరుగుతూనే ఉన్నాయి. జలుబు, దగ్గు, జర్వం తలనొప్పి, రుచి లేకపోవడం, వాసన తెలియకపోవడం వంటివి కరోనా లక్షణాలుగా గుర్తించారు. తాజాగా వీటితోపాటు కరోనాకు సంబంధించి మరికొన్ని లక్షణాలు కూడా ఉన్నట్టు బార్సిలోనా యూనివర్శిటీ పరిశోధకులు జరిపిన సర్వేలో వెల్లడైంది. జ్ఞాపకశక్తి కోల్పోవడం, గందరగోళం, సుదీర్ఘకాలం ఒక పనిపై దృష్టి పెట్టలేకపోవడం వంటివి కూడా కరోనా లక్షణాల్లో భాగమే అని బార్సిలోనా యూనివర్శిటీ పరిశోధకులు తేలింది. చాలా మంది కరోనావైరస్ బాధిుతుల ఆసుపత్రి నుంచి డిశ్చార్జ్ అయ్యాక కూడా కొన్ని వారాలు, నెలల పాటు నాడీ సమస్యలతో బాధపడుతున్నారని.. కరోనావైరస్ రోగం నిర్ధారణ అయిన నెలల తర్వాత ఊపిరితిత్తులు, గుండె దెబ్బతినడం వంటి సమస్యలను ఎదుర్కోనే అవకాశం ఉందని పరిశోధకులు వెల్లడించారు.

కాబట్టి వైరస్ సోకకుండా జాగ్రత్తలు తీసుకుందాం. బయటికి వెళ్లిన ప్రతిసారి ముఖానికి మాస్కు ధరించడంతోపాటు శానిటైజర్ వెంటబెట్టుకుని వెళ్లాలి. అంతేకాకుండా ఇతరులతో మాట్లాడేటప్పుడు భౌతిక దూరం పాటించాలి. మన శరీరంలో రోగనిరోధక శక్తిని పెంచుకునేందుకు మంచి ఆహారాలను తీసుకోవాలి.

రోగనిరోధక శక్తిని పెంచుకునే సాధారణ పద్ధతులు:

* దాహం అనిపించినప్పుడల్లా గోరు వెచ్చని నీరు తాగండి

* ప్రతి రోజూ కనీసం 30 నిమిషాలు యోగాసనాలు, ప్రాణాయామం, ధ్యానం చేయండి

* రోజువారీ వంటకాలలో పసుపు, జీలకర్ర, దనియాలు, వెల్లుల్లి తప్పకుండా ఉండేలా చూసుకోండి

* ప్రతి రోజు కనీసం 20 నిమిషాల పాటు ఎండలో ఉండండి

* పొడి దగ్గు ఉంటే తాజా పుదీనా ఆకులు వేడి నీటిలో వేసుకొని ఆవిరి పీల్చాలి.

* కొవిడ్‌ నుంచి కోలుకున్న తర్వాతా గోరువెచ్చని నీటినే తాగాలి.

* తేలికపాటి వ్యాయామాలు, యోగాసనాలు, ప్రాణాయామం, ధ్యానం లాంటివి చేయాలి.

* సులువుగా జీర్ణమయ్యే ఆహారాలను తీసుకోవాలి.

* ధూమపానం, మద్యపానం అలవాట్లను మానుకోవాలి.

********
డాక్టర్ అర్జా శ్రీకాంత్
స్టేట్ నోడల్ ఆఫీసర్, కోవిడ్-19